Walken

G´wosch´n, g´schneizt, mit frische Sock´n
moch i mi auf zum "Nordicwalken“.
Muaß außi in die frische Luft
und weg vom ewig´n Kuchlduft.

Auf d´Födweg´n drah i daunn mei Runde
so dreimoi wöchentlich a Stunde.
Waun d´Leit a sog´n de tickt ned richtig,
mia is nua ans, Bewegung wichtig.

Denn mia Senior´n und Pensionist´n
woin ned scho eini in die Kist´n.
Drum muaß ma a auf d´G´sundheit schau´n
de Männa grod so wia de Frau´n.

Möglichst wenig Fleisch , vom fett´n,
am Best´n übahaupt ka Zigarett´n.
Gemüse, Obst und frische Säfte,
die geb´n uns neiche Lebenskräfte.

Und geistige Noahrung is a wichtig
drum les i gern und dicht´ich'.
Waunst daun no wos fia d´Gsöschoft tuast
daun tuast scho mehr , ois d´wirkli muaßt.

D´Vareine , d´Nochban wer´n dir ´s daunk´n
in deina Moanung derfst nia waunk´n.
I rod da oans, vakriach di ned dahoam ,
denn waunst nix tuast , bist schnölla g´storb´n .

Weiterempfehlen Drucken Quelle: Gertrud Deim - Seniorkom Hobby Redakteurin